BOGOTA, Colombia – E senado Colombiano a aproba diaranson e suspensio di su cargo e exmagistrado di Corte Constitucional Jorge Pretelt.
Pretelt ta hinca den un escandalo di corupcion cu a sacudi e Rama hudicial Colombiano. Segun un version di e abogado Victor Pacheco, e magistrado a pidi 500 miyon di peso (mas of menos 200 mil dollar) pa Corte Constitucional faya un accion di tutela (recurso di amparo) na fabor di un empresa fiduciario cu e letrado tabata representa.
Mas tempran, e funcionario a bisa cu tur cos ta trata di un “acusacion” contra su posicion. “Ta un decision funda den terminonan politico, den un huicio na mi idea y mi posicionnan. Na mi defensa na e famia, na mi declaracion contra abortus, contra matrimonio homosexual. Pero riba tur cos, ta un acusacion contra mi posicion contra e impunidad den e proceso di paz.”
Fuente: NTN24