Selena Gomez a sigura cu su amiga Francia Raisa a salba su bida ora cu e la dun’e su riñon na comienso di aña. Gomez a bisa esaki den un entrevista hopi emocional unda cu e dos amiganan a aparece hunto pa asina papia di nan experiencia.
E cantante y Raisa a acepta pa papia riba e tema cu NBC News, cadena cual lo transmiti e entrevista completo, otro siman. Den un breve avance, Gomez, cu algun kilo menos, a señala cu e no kier a pidi niun hende pa ta su donante, pero cu Raisa a ofrece su mes y el a haci’e tambe.
“Mi ta kere cu mi a yega na e punto unda cu realmente ta un caso di vida of morto”, Gomez a revela. “Mi riñonnan tabata caba”.
Frente e perspectiva duro aki, e artista no tabata kier a compromente niun hende den su circulo intimo. “Mi no kier a pidi niun hende den mi vida… Pero Raisa a ofrece di su mesun boluntad”, el a agrega, sumamente conmovi.
Luna pasa Gomez a anuncia e procedemento ora cu el a bisa cu e mester un riñon nobo pa e bataya conta di lupus, un malesa autoinmuun unda cu e curpa ta ataca, pa eror su mesun tehidonan, incluso e riñon den algun caso.
Raisa di 29 aña, ta un actriz Mericano cu descendencia Mexicano y Hondureño, conoci pa su papel den e serie di ABC Family “The Secret Life of the American Teenager”.
Selena a somete su mes, secretamente, na kimoterapia na tempo y aña pasa el a interumpi su gira mundial, bisando cu el a bisa cu e mester lidia cu e efectonan di lupus, incluyendo ansiedad, atakenan di panico y depresion.
Gomez a señala riba su rednan social cu e malesa ainda ta hopi “incomprendibel” y e ta anima su fanaticonan pa bishita e webpage Lupus Research Alliance.
Fuente: https://www.infobae.com/america/entretenimiento/