FARANDULA
CALIFORNIA, Merca – “Comentarionan negativo por herida e sentimentonan di cualkier persona”, e cantante a señala ariba su cuenta di Instagram ora cu el a anuncia su retiro temporal for di rednan social.
E cantante y actriz Mericano, Selena Gomez a wordo hospitalisa dos biaha den e ultimo dos simannan y awo e ta hospitalisa dne un centro psikiatrico di Los Angeles. Esaki ta pa e ricibi terapia dialectico di comportamento despues di a sufri un crisis emocional, e portal TMZ a informa, citando fuentenan.
Segun e medio, Gomez, di 26 aña a wordo interna den hospital pa prome biaha e ultimo siman di september den un estado di nerviosismo, y cansancio pa un nivel alarmantemente abao di globulo blanco den su sanger despues di un transplante di riñon na cual el a wordo someti aña pasa door di Lupus.
Algun dia despues, e ex strea di Disney a bandona hospital. Sin embargo, na final di siman pasa el a bolbe bek pa e centro di salud mental, ya cu su nivel di globulo blanco tabata persisti, cual a pone cu el a cay den un spiral emocional negativo.
Poco despues di a wordo admiti, e actiz a insisti den bandona e luga, pero dokternan a señala cu e no tabata por a haci esaki, pa cual Gomez a purba di ranca e infuus for di su brasa. Segun e medio, e cantante sufri un crisis nervioso despues di e sucedido.
Motibo
Dia 23 di september ultimo, Selena Gomez, a comparti riba su cuenta di Instagram cu e lo tuma un descanso for di rednan social, subrayando cu “comentarionan negativo por herida e sentimentonan di cualkier persona”. E cantante tabata obheto di comentarionan di odio riba rednan social despues di cu su ex pareha, Justin Bieber, a verloof cu Hailey Baldwin.
Prome cu el a bandona e rednan social, e artista a señala, e artista a señala durante un transmision live riba su cuenta di Instagram cu depresion a consumi su bida durante e ultimo cinco añanan.