E dianan 21 pa 24 di October a tuma lugar na e isla caribense di Martinique e ronda di cualificacion pa e mundial di volleyball 2018 den e zona di CAZOVA. Mirando cu Aruba ta miembro di NORCECA (North Central and Caribbean Federation) nos tin e obligacion pa participa na e campeonato aki. Den e torneo aki Aruba lo enfrenta Bahamas, Martinique y Boneiro. Algun luna atras Aruba Volleyball Association a trece experto Hulandes, Daan Kleinbussink pa yuda den e desaroyo di e deporte di volleyball den su totalidad na Aruba. Na banda di esaki Daan Kleinbussink ta e entrenador encarga cu nos seleccionnan nacional di volleyball femenino y masculino. E hungadornan cu a representa Aruba ta Elmerlindo Robles de Medina, Fransua Angela, Michaello Martilla, Darvick Anthony, Jorrik Roeloefsen, Dwayne Angela, Jameson Hazel,Raibiently Mercalina, Joel Pietersz, Brian Howell Brokke, Hubert Hengeveld, Jonathan Jones. Cu e hungadornan lo biaha Daan Kleinbussink, John van der Lee y Errol Yrausquin.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e seleccion nacional masculino di volleyball pa e torneo di cualificacion CAZOVA na Martinique.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio