Aruba Softball Bond trahando duro preparando un selecion femenino U18 cual atletanan ta saliendo pa Cartagena Colombia 15 di October proximo pa competi den campeonato di CONSURSA. CONSURSA ta Confederacion Suramericana. Un total di 6 pais a confirma nan participacion entre otro Brasil, Argentina, Peru, Colombia, Venezuela y Aruba. Confederacion madre esta WBSC (World Baseball and Softball Confederation) ta stimulando su Federacionnan miembro pa brinda atencion y apoyo na nos atletanan di edad hoben. Por ehempel WBSC kier mira mas competencia den e categoria U16. Aruba Softball Bond al momento ta ahustando su plan pa incorpora e vision aki y muestra ta cu ja caba ASB a logra di hiba un seleccion nacional di Aruba U18 Cartagena, Colombia. Staff cu a prepara e seleccion aki ta Estefano Croes, Octavio Cajigal, Mildred Kock y Renata Maduro. Muchanan ta hopi anima y tin algun luna trahando hopi duro. ASB lo sigui traha na bienestar di nos hobennan y ta desea selecion femenino tur clase di exito. Trahando duro nos lo logra.
- Latest
