Seleccion di landamento sincronisa lo competi den e UANA/Panamerican Synchronized Swimming Championships na Puerto Rico

E dianan 31 Augustus pa 4 September proximo un delegacion den e deporte di landamento sincronisa lo biaha pa Puerto Rico unda lo tuma luga e UANA/Panamerican Synchronized Swimming Championships. Aruba lo biaha cu un delegacion grandi consisti di 16 atleta, 2 coach, 2 hues y 1 hefe di delegacion. Nos atletanan di landamento sincronisa lo competi den e categoria “12 and under” cu lo landa cu 2 solo, 1 duet y Team, mientras den e categoria 13-15 lo bay cu 2 solo, 2 duet y Team. Pa loke ta nos representantenan mester bisa cu den 12&U nos tin Sara Castaño, Avigayle Tromp, Mikayla Morales, Ambar Silva, Jevienne Gomez, Ariana Dijkhuizen, Abigail Sanchez, Edianne Croes. Pa loke ta e categoria 13-15 nos tin e atletanan Anastasia van Daal, Rizahalee Bello, Meghan Tromp, Kainah Croes, Sarah Silva, Jasilienne Schmidt, Mary Jane Wong y Janelly Piña.
Un danki sigur na Lotto, e Loteria di Aruba pa medio di Comision di Subsidio cu a subsidia e biaha di nos delegacion di landamento sincronisa pa e UANA/Panamerican Synchronized Swimming Championships na Puerto Rico
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Comments

comments