E dianan 10 – 12 di november proximo, Aruba lo ta anfitrion di un torneo internacional di beach tennis, esta e 2017 ITF Beach Tennis Pan American Championship na Aruba. Mirando e interes grandi di nos propio hungadornan local, mas cu claro mester a hunga un torneo di clasificacion na Aruba mes. Pa loke ta nos top hungadornan di beach tennis, Aruba su seleccion ta cla encabesa pa Aruba su Atleta di Aña 2016, Aksel Samardzic, Anderson Giel, Marieke Buuts, Maud Celaire, Anne Hoogendam y Dominique Hopman. Tambe nos lo bay tin representacion den varios otro categoria manera U12, U14, U16 y Masters.
Aña pasa, e comunidad di Aruba a gosa inmensamente di e torneo di beach tennis mientras e aña aki e ta premira di bira mas mihor ainda cu un asistencia masal di algun hungador di calidad sin lubida e cantidad grandi di bishitante cu ta ser spera di exterior. Den a torneo pasa, e beach tennis pro di Aruba, Aksel Samardzic a ocupa un di dos lugar den single mientras den e competencia di doubles e la yega den e semi-final. Tanto 2016 y 2017, beach tennis a crece na Aruba unda mas y mas hende ta praktica esaki riba un base regular mientras nos atletanan elite ta sigu presta den bon forma y defende e bon nomber di nos dushi isla den exterior.
Un danki sigur na Lotto, e Loteria di Aruba pa medio di Comision di Subsidio cu a subsidia e preparacion di nos atletanan elite den preparacion pa e 2017 ITF Beach Tennis Pan American Championship cu lo wordo teni na Aruba mes den luna di november proximo.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.