Diamars dia di obrero Aruba Softball Bond a probecha e dia liber pa sigui prepara su atletanan pa Monteria Colombia cual campeonato lo inicia 1 di Juni proximo. Desde 1030am Selecion di Aruba a hunga dos wega contra Balashi Premuim kendenan tabata tin refuerso di 3 pitcher international. Den e promer partido tempran Selecion a sali fuerte contra Eudomar Toyo y tabata mishi cu su rectanan hopi fuerte constantemente y a sa di rally pa asina gana e wega aki pa knockout. Selecion Aruba 12 careda, 9 hit, 0 error. Balashi Premuim 0 careda, 1 hit, 5 error. Mihor bateadornan pa Selecion di Aruba a resulta di ta e hoben Lenin Ashby 3-3 cu 3 RBI, Jayson Orman, Ray Bernabela y Bryan Courtar tur di 2-1, Kelvin Silvania di 3-1. Pa Balashi Premuim e unico hit a wordo bati pa Sandrick Geerman kende a bay di 2-1. Giancarlos Gomez ta bay cu e victoria ricibiendo relevo di Jair Thompson. Eudomar Toyo ta bay completo pa Balashi Premuim y ta bay cas cu e derota. Den e di dos wega Balashi ta ahusta por completo momento cu un otro pitcher estrea Jesus Leal Becerro ta lansa un partido cu efectividad hopi halto manteniendo e bateadornan di Selecion for di balans constantemente. Jesus ta tira 5 inning pa seya e victoria riba su nomber permitiendo 3 hit, 4 strike outs, 0 base por bola mas 1 careda limpi y ta wordo releva pa Eudomar Toyo kende ta permiti 0 hit lansando 2 ponche y regalando 2 base por bola pa concretisa e wega salva. Jair Thompson pa Selecion di Aruba a bay completo aunke no a permiti hit ta perde e wega lansando 8 strike outs. Balashi Premuim 3 careda, 0 hit, 2 error. Selecion Aruba 1 careda, 3 hit, 3 error. Mihor bateadornan pa Selecion Aruba ta Ray Bernabela, Jair Thompson y Egimar Lampe tur di 2-1. Diahuebs awor e compromiso ta continua ora Selecion Aruba midi forsa contra Spuiters. Spuiters lo bin reforsa cu 2 pithcer internacional pa pone e muchanan di selecion mira lansamentonan diferente y asina pone nan traha duro den nan etapa di preparacion competitivo final. Softball den pleno desaroyo!