Aruba Softball Bond a start sali cu Liga Especial diahuebs ultimo riba veld di Flatstone. Manera a splika anteriormente Aruba Softball Bond a trece Aruba 4 pitcher di nivel internacional y asina lo pone cada pitcher na disponibilidad di 4 diferente ekipo esta Spuiters, Balashi Premuim, Piratas y Macuarima Indians mientrastanto tur e ekiponan aki lo ta enfrentando otro y mas cu claro tur lo hunga contra seleccion cu ta den fuerte preparacion pa cu weganan di CONSURSA cual lo tuma lugar 1 pa 9 di Juni proximo na Monteria Colombia. Seleccion di Aruba hopi rehobeneci a mustra basta skerpi y tabata mishi e lansamentonan di entre otro Eudomar Toyo cu a habri pa Macuarima pero tambe Andres Cantillo Gonzalez cu a releva y a logra score suficiente careda pa gana e wega. Tanto Jair Thompson y Jomark Flanegin a lansa 3 inning solido pa Selecion mientras cu Giancarlo Gomez a sera e partido. Aruba 9 vs Macuarima 5. Dialuna awor cuminsando pa 715pm na veld di Flatstone Selecion di Aruba lo enfrenta e equipo di Piratas unda un pitcher estreya Jesus Becerra lo ta lansando pa Piratas contra seleccion. Pues fanaticada por pasa aprecia e campeonato di Liga Especial cu Selecion Masculino den pleno preparacion.