PALMA DE MALLORCA, Spaña- Seis persona a wordo deteni pa supuesto vinculonan cu e grupo terorista ISIS. E detencionnan a bay den un operacion coordina entre e forsanan di siguridad Spaña, Britanico y Aleman. Cuatro persona a wordo deteni na Palma de Mallorca, Spaña, uno na Alemania y otro na Reino Uni, den un operacion desaroya pa e Polis nacional Spaño y polis federal Aleman, Polis Metropolitano di London, cu e apoyo di e agencianan Europeo, Europol, Eurojust y Sirene.
Segun un comunicado di e Ministerio di Interior Spaña, e grupo tabata tin contactonan internacional y tabata elabora y difundi material audiovisual hopi radical. E tabata organisa reunionnan clandestino tambe semanalmente pa determina e boluntad di hobennan cu ta comparti nan ideologia y cu tabata logra biaha pa e zona di conflicto.
E detenidonan tabata hustifica y tabata honra e yihad violenta y tabata actua bou un “compromiso fuerte” cu ISIS, segun e comunicado.
Fuente: www.cnnenspanol.com