Multiple sclerosis ta dificil di diagnostica y solamente un dokter por duna un diagnostico. Pero descubri 6 sintoma comun.
Multiple sclerosis (MS) ta un malesa di e sistema nervioso central, y esaki kiermen cu e ta afecta e celebro y e medula espinal. Den e tipo mas comun, e sintomanan ta bay y bin. Esaki por varia for di un sensacion di hinca hinca pa perdida di vision severo.
Sin embargo, e malesa aki ta uno dificil. Debi cu hopi otro malesa por causa e mesun sintomanan of sintomanan similar, un hipocondriaco (persona pesimista) lo por pensa cu e tin e malesa aki, siendo cu no ta asina. Di otro banda, e por tarda añas of incluso decadanan prome cu por diagnostic un persona cu EM. Solamente un dokter por realisa e pruebanan adecua pa confirma si e sintomanan realmente ta EM.
Siguientemente ta sigui un algun sintoma di Multiple Sclerosis, pero corda cu si bo tin duda cu si realmente bo por tin e malesa of no, bo mester bay bo dokter pa e haci e diagnostic correspondiente den caso di cu esak ta necesario.
Seis posibel sintomanan di Multiple Sclerosis
Cansancio
Rond di 80% di e personanan cu MS ta experimenta cansancio den un momento of otro den nan bida, pero cansancio por tin diferente causa. Algun persona ta experimenta un cansancio hopi severo cu ta pasa diariamente cu tin tendencia segun e dia ta pasa, e ta desgasta.
E ta wordo describe como algu cu nunca nan a sinti, un cansancio extremo cu no ta permiti nan haci un bida normal.
Verdoving
Verdoving (of e falta di sensacion of tacto den varios parti di e curpa) hopi biaha ta un di e prome sintomanan cu ta pone un persona cu MS bay dokter. E verdoving por pasa na e cara, e curpa, brasanan, y pianan cu por interfere cu e manera corecto di cana. E persona afecta por tin problema pa coy obheto y incluso pa kauw. Esaki por ta den diferente parti di e cara. E sensacion di verdoving por dura varios hora of dia, pero normalmente e ta disparce di su mes.
Sensacion di grawatamento
E grawatamento ta relaciona cu e verdoving y por wordo sinti como sifuera e brasa, dedenan di man of di pia ta “muri”. Mescos cu otro sintomanan di MS, esaki ta e resultado di e nervionan daña cu ta manda señalnan mixto pa diferente parti di e curpa. E persona por experimenta algo yama “e brasa di MS”, unda ta parce cu un hende ta tene duro duro rond di su curpa, pero e ta un sentimento muscular. E ta un fenomeno sensorial cu ta wordo sinti como sifuera cu e tin un faha hopi preta bisti.
Problema di balans y coordinacion
E problemanan di movimento ta un seyo distintivo di MS. E conduccion nervioso altera kiermen cu e musculonan no ta traha manera antes. E personanan por bisa cu nan ta sinti repentinamente un extremidad hopi mas debil of cu cos ta cuminsa cay for di nan man. Si tin daño den e cerebelo, e parti cu ta controla e ekilibrio, e persona por ta instabiel door di e pianan y ta cay hopi mas lihe.
Spasticidad
Spasticidad por implica tanto rigidez como contraccionnan muscular involuntario. Como un sintoma di MS, ta mas comun den e pianan y por manifesta su mes manra un leve sensacion di oppression den e muscular of un dolor hopi fuerte. Den casonan extremo, spaticidad por haci cu e curpa di un persona ta distorsiona y ta krimp. E sintoma aki hopi biaha ta bay man den man cu otro partinan di e curpa.
Problemanan di bista
Mescos cu e verdoving, e problema di vision ta un di e sintomanan trempan mas comun cu ta pone cu e persona ta bay dokter. E problema por manifesta su mes como vision dobbel, dolor den wowo, bista wazig of un un escotoma (parce un buraco den e bista).
E sintomanan aki hopi biaha ta consecuencia di neuritis optica of e inflamacion di nervio optico. Aunke e problemanan di vision por strobe ora di traha y stuur auto, esaki por tin solucion.
Esakinan ta algun di e sintomanan cu por indica cu e ta dilanti di un MS, pero tin hopi otro y ta dokter lo ta esun cu lo mester diagnostic finalmente si di berdad ta MS of no.