LONDON, Inglatera – Bomberonan di London a enfrenta for di e marduga aki na un incendio den dimensionnan grandi. E vlamnan a devora un toren residencial di 27 piso y 120 apartamento den e zona centro-oeste di e ciudad. Polis a confirma cu tin 6 morto, pero ta lamenta cu e cifra aki por aumenta den e proximo oranan. Por lo menos 50 persona a resulta herida y a wordo traslada na cinco hospital di e capital Britanico.
E candela a cuminsa pa 12’or y 15 ora local, den e Toren Grenfell, den un zona proximo na Notting Hill, unda cu mas of menos un 250 bombero ta traha y tin mas of menos 40 truck disponibel, fuentenan di e brigada di bombero di London a informa Efe. Columnanan di huma preto y shinishi a eleva riba e ciudad, poco despues cu e siniestro a cumkinsa.
Candela a afecta full e edificio for di e di dos piso
E bomberonan di London a splica cu e incendio a afecta tur piso desde e di dos piso te na e parti superior di e Toren Grenfell na Lancaster West Estate.
“Nos ta luchando cu un incendio realmente grave cu a extende den henter e edificio,” un vocero di e bomberonan a bisa. “E efectivonan ta haciendo tur posibel pa enfrenta e candela aki,” el a agrega.
E imagennan di e suceso ta mustra hendenan cu flashlight y telefonnan mobil cu ta purba di manda un señal di auxilio. E vlamnan a envolve ya henter e edificio y tabata resulta imposibel pa bandon’e sin ayudo. Ta teme cu e toren residencial por derumba pasobra el a kima hasta e “nucleo”, segun Tim Downey, un di e testigonan.
“E edificio ta desmoronando, solamente tin huma pretio,” BBC a comenta den declaracionnan, rondona di algun persona cubri pa shinishi cu tabata grita den e momentonan angustioso ey.
Mas of menos un 20 ambulance tabata traha den inmediacionnan di e edificio siniestra, cu a wordo cordona. E caida di escombro tabata haciendo e trabao extremadamente dificil y peligroso e trabao di e bomberonan, kendenan ainda ta desconoce kico por a provoca e candela.
Algun residente di e luga a splica Sky News cu nan no a scucha ningun alarma di candela. E prome bel a wordo scucha ora cu e y su famia ya a bandona nan hogar. Nan a huy danki na un persona den piso a avisa e bisiñanan porta pa porta pa nan por scapa.
E mesun homber aki, kende ta biba den e di shete piso, tabata casi bay drumi ora cu el a cuminsa hole manera plastic kima. Mirando con su bisiña tabata alerta di e vlamnan, el a habri e bentana di e patio interior y a scucha con hende tabata grita cu e candela tabata birando cada biaha mas grandi.
E toren, construi na 1974, a wordo renoba a±a pasa segun medionan local a apunta na e arkitectonan cu a ehecuta e proyecto. Di su banda, e alcalde di London, Sadiq Khan, a describi e suceso como un “incidente grave”, pa loke ta su ekipo a dicidi di corta den e cayanan alterno.
E residentenan cu a logra wordo evacua, a wordo dirigi na un centro Cristian cercano. Eynan nan a haya awa, cuminda, paña y algun deken. Un di e sobrevivientena a conta The Guardian cu loke ta supone di e incendio aki: “Mi tin suerte di ta na bida, pero mi a perde tur loke mi tin. Mi a sali cu loke mi tin bisti.”
E minister di asuntonan exterior Spaña a informa cu pa e momento ey no tin constancia di Spañonan afecta den e incendio den e Toren Grenfell.
Un grupo di bisiña a alerta riesgo di candela
A lo largo di mainta, un asociacion di bisiña a comunica cu ya nan a alerta di e mal condicionnan di siguridad den e toren residencial. Atrabes di nan blog, e Grupo di Accion di Grenfell, asociacion cu ta oga pa edificionan di proteccion oficial, ta afirma cu “tur nan advertencianan a wordo ignora.” Nan a predici un catastrofe y e tempo a duna nan rason.
“E lectornan regular di e blog lo sa cu den e ultimo añanan nos a colga varios advertencia riba e standardnan pober di siguridad contra candela den e Toren Grenfell y, en general, den henter e bario,” un mensahe di e organisacion a señala.
Fuente: www.efe.com