CARACAS, Venezuela- José Manuel Olivares a indica cu e recien nacinan tabata coneca na un mashin di ventilacion mecanico. Ademas, e gremio di salud a adverti riba e falta di material y remedi.
José Manuel Olivares, diputado opositor a denuncia diabierna e morto di seis baby, despues di cu tabata tin un fayo electrico den un hospital di e ciudad Venezolano di San Felix, estado Bolivar. E neonatonan tabata conecta na un ‘ventilacion mecanico’ y nan no tabata tin luz pa mas di 24 hora y door di un fayo den e planta di electricidad nan a fayece”, Olivares a señala riba e red social Twitter.
E diputado, cu ademas ta dokter a denuncia den diferente ocasion, hunto cu’n grupo di dokter y verplegernan, cu varios hospital di e pais ta presenta problema cu ta varia for di falta di awa te cu falta di material y remedi.
Di otro banda, e falta di remedi na Venezuela pa malesanan di costo halto, manera cancer ta yega 95%, mientras lo esencial, manera hipertensonan, ta di 85%, segun e Federacion Farmaceutico.
Entre tanto, e falta di insumonan medico ta yega 85% segun varios ONG.