E vakantie di cuater dia di Carnaval na Bolivia a laga un saldo di seis fayecido y 63 herido den diferente accidente di transito, e comandante departamental di Polis di La Paz, coronel Edgar Cortez, a informa diaranson.
E hefe di polis a indica, cita pa ABI, cu a pesar cu e cifra di morto a baha di 11 pa 6, compara cu e carnavalnan di 2023, e cantidad di persona herida a aumenta drasticamente di 13 pa 63, relaciona cu e mesun periodo aki. Mientrastanto, autoridad a interveni den otro 75 accidente di transito cual no a produci ningun victima mortal.
