AMSTERDAM, Hulanda- E dos agentenan policial involucra den e aresto fatal di Mitch Henriquez di 42 aña na Juni 2015, a wordo condena na seis luna di prizon condicional. E veredicto a wordo duna den un Corte cu tabata wordo extra vigila. Henriquez a muri un dia despues di su aresto na un festival di musica na Den Haag.
E Arubano a muri, despues cu el a resisit fuertemente contra di su aresto, caminda cu tabata tin mester di cinco agente pa controla Henriquez. Ministerio Publico a haya cu e agentenan ta culpabel pero dos siman pasa a pidi hues pa no dunanan castigo.
Inicialmente a kere cu Henriquez lo a fayece door di e nekklem, pero despues a resulta cu no ta asina. Varios experto a bisa cu causa di morto tabata un paro cardiaco door di “acuut stresssyndroom” tabata e causa di morto, pero den corte nan no por a yega na un conclusion.
E agentenan durante e proceso tabata sinta scondi patras den sala di corte, tras un screen portabel y cu stem distorsiona. Pa proteha nan identidan nan a wordo yama DH01 y DH02.
Tanto e nekklem di DH01, como tambe e golpiamento di Henriquez den su cara y e pepperspray uza door di DH02tabata di mas, segun e hues a bisa.
Fuente:https://www.rtlnieuws.nl