CARACAS, Venezuela- Un total di seis funcionario halto di PDVSA a wordo deteni pa presuntamente a facilita registro di contractnan den condicionnan di desbentaha pa parti di Citgo, e principal filial di Petroleos de Venezuela (PDVSA).
Ta trata aki di Jose Angel Pereira, presidente di Citgo; Tomeu Vadell Recalde, vice presidente; Alirio Zambrano, vice presidente y gerente general di e Refineria Corpus Christi; Jorge Toledo, vice presidente di suministro y comercialisacion; Gustavo Cardenas, vicepresidente di Relacionnan Strategico cu accionistanan y Jose Luis Zambrano, vice presidente.
Esey a keda informa door di e fiscal constituyente Tarek William Saab, kende a detaya cu tur lo wordo acusa di delitonan di malversacion y legimitacion di capital. El a sigura tambe cu e contrato lo permiti un financiamento pa un monto di te cu e cuater biyon dollar sino conta cu e aprobacion di gobierno.
Di su banda, e minister di Comunicacion, Jorge Rodriquez a sigura cu tur lo wordo traslada pa e prizon di Guarico. “Wega a caba aki, esun cu horta ta bay cera. Un coverall geel y un adres nobo ta spera nan”, segun Jorge Rodriquez.
Fuente: http://www.ntn24.com/