BAJA CALIFORNIA SUR, Mexico- Den oranan trempan di diaranson mainta, seis curpa a wordo haya ta colga for di tres brug den e municipionan di La Paz y Los Cabos de Baja California Sur, noordoost di Mexico.
Den caso di La Paz, e capital di estado, e cadavernan a wordo haya den riba e brug cu ta conecta pa aeropuerto internacional de La Urbe, segun BCS Noticias.
Mientras cu den e municipio Los Cabos, dos cadaver a wordo localisa riba e brug cu ta conecta cu e aeropuerto internacional di San Jose del Cabo, y otro dos riba un brug di e paseo turistico di e zona aki.
Hunto cu e cadavernan tabata tin tambe algun mensahe, cu a wordo retira pa curpanan di siguridad estatal y municipal, cu ayudo di bomberonan. Su contenido no a wordo haci publico.
E tipo di hayasgonan aki ta comun den estadonan manera Michoacan, Nayarit y Veracruz. Pero na Baja California Sur, e di tres entidad mas violento di e Mexico, ta prome biaha cu esaki ta pasa.
E autoria di e crimen no ta conoci, sin embargo, ta conoci si cu esaki ta un manera di opera di e cartelnan di droga cu ta opera den e region.
Fuente:https://actualidad.rt.com