ST. LOUIS, Missouri – Donald Trump a menasa pa hiba Hillary Clinton prizon. El a admiti cu el a evita di paga impuestonan federal riba huur y a desautorisa su compañero di formula riba politica exterior.
E candidato republicano a disculpa pa su comentarionan sexualmente agresivo riba hende muhe, pero a bisa cu ta trata di “lockerroom talk”. El a ataca Hillary Clinton riba e conducta sexual di su casa, Bill Clinton. Tambe el a haci varios afirmacion falso.
Pero pa Trump, tabata un mehoracion real.
E di dos debate presidencial, no lo catapulta Trump, pero por salba su candidatura dilanti e krater cu ta parce inminente pa loke 48 ora prome na su enfrentamento cu Clinton.
Aki nos ta laga 7 punt cu a destaca di e encuentro aki:
Un pelea sushi
Trump a yama Clinton “diabel”, y a bis’e cu si e eligi e lo nombra un fiscal special y “cu e lo bay wordo cera” y a afirma c Clinton tin “un tremendo odio den su curason.”
Y esakinan no sikiera tabata e momentonan mas impactante di e anochi.
90 minuut prome cu e debate, Trump a realisa un evento sorpresa cu tres muhe cu a acusa Bill Clinton di mal conducta sexual. Trump tambe a invita nan pa nan pasa pa e sala di debate como su invitadonan. Y a ataca Clinton riba e comportacion di su casa.
“Loke el a haci na e muhenan aki, nunca tabata tin ningun hende den historia di politica di e nacion aki cu tabata asina abusivo cu hende muhe,” Trump a bisa riba Bill Clinton. “Hillary Clinton a ataca e mesun muhenan aki y a ataca nan brutalmente,” el a agrega, sin proporciona evidencia pa apoya su afirmacion.
Trump ta resta importancia na e comentarionan lascivo
Trump a haya su mes oblig’e den e apertura di e debate pa haci frente na e controversia cu el a desgara GOP durante fin di siman, cu mas di dos dozijn di republicano di perfil halto, retirando nan apoyo. Un grabacion di 2005 ta mustra e awe, candidato republicano, realisando comentarionan baho y sexualmente agresivo riba hende muhe.
“Esaki tabata un “lockeroom talk”, Trump a bisa. “mi no ta orguyoso di dje, mi ta pidi pordon na mi famia, mi ta disculpa cu e pueblo Mericano. Ciertamente mi no ta orguyoso di esey, pero ta un “lockerroom talk.”
Clinton a probecha e revelador video pa haci un atake formal.
“Loke tur a mira y scucha diabierna, tabata Donald papiando di hende muhe, loke e ta pens ariba e hende muhe, loke e ta haci na e hende muhe.”
“Esaki ta loke Donald Trump ta,” el a bisa.
Clinton ta scapa
Loke a sobresali pa hopi operador politico republicano ta e desempeño di Clinton ta lo vulnerabel cu e candidato democrata ta riba hopi tema y como otro candidato distinto na Trump, e por a explota e debilidadnan aki.
Tabata un moderador y no Trump, kende a trece e comentario di Bill Clinton cu e Obamacare tabata e “cos di mas loco di mundo.”
Clinton a apoya cu dificultad den Abraham Lincoln na responde preguntanan riba si e ta bon pa tin “dos cara” y un posicion “den publico” y otro “den priva” riba algun tema, bisando cu e propio Lincoln tabata uza diferente argumento cu diferente legislado pa pone fin na sclavitud.
“El a gaña, y awo e ta culpando di e mentira riba e gran Abraham Lincoln,” Trump a bisa.
Sin embargo, Clinton tabata capaz di Sali mayoritariamente ileso di controversia cu mester a dañ’e gravemente.
El a manten’e su mes firme y a mustra poco emocion ora cu Trump a desgara desde principio atakenan duro contra dje y contra e accion di su casa.
“Mi a mira loke mi a spera di mira,” Clinton a bisa na periodistanan abordo di su avion di campaña despues di e debate.
Trump ta apela e base, pero no ta yega mas leu
E mayoria di problema pa Trump ta cu e no a haci nada pa expande su yamamento na e votadonan cu ainda no ta apoy’e.
Hopi di su comentarionan unicamente ta haya un eco un subconhunto limita di activista derechista, partidarionan di Trump cu ta lesa Breitbart News y websitenan similar, pero ta influencia poco den e muhenan di suburbio di Philadelphia y otro votadonan cu Trump tin mester pa gana.
Y el a responde na e pregunta di un muhe musulman riba Islamofobia bisando cu “nos tin cu ta sigur cu e musulmannan cu ta bin y informa ki ora nan ta bin cu algo ta pasando. Ora cu mira e odio actuando, tin cu informa di esey.
Cer’e??!!
“Si mi gana, mi lo busca un fiscal special pa investiga bo situacion,” Trump a bisa, “ pasobra nunca tabata tin asina hopi mentira, asina hopi engaño”
Incluso pa standardnan di 2016, tabata un momento notabel.
Clinton a purba di converti e momento den un atake na e mayor debilidad di Trump: su temperamento.
“Ki bon ta cu un hende cu e temperamento di Donald Trump, no ta responsabel pa e ley den nos pais,” el a bisa.
Trump a bisa bek: “Bo ta bay wordo cera.”
E afirmacionnan falso
Den un ripiticion di e prome debate, Trump a haci repetidamente afirmacionnan inexacto y Clinton a dirigi e espectadornan na su website pa un check haci den real time.
Den e debate di diadomingo anochi, Trump a acusa Clinton di propone “aumenta impuesto riba tur cos” ora cu el a centra den e propuesta di aumenta solamente pa e riconan.
El a bisa cu nunca el a dirigi hende pa mira e video sexual di e ex Miss Universo Alicia Machado, pero dia 30 di September ultimo el a tweet pa 5’or di mainta, pidiendo su siguidonan pa “mira e video sexual y pasado di (Machado)”
El a bisa cu e ta opone e guera na Irak, ora cu di hecho el a apoya e guera na Irak.
El a culpa Clinton falsamente di cuminza e controversia di “birtherism”, ora cu ta Trump ta esun cu a dirigi e atake pa motibonan racial contra president Barack Obama durante cinco aña.
Trump a tapa e herida?
Lubida di e tarea mayor di convence e votadonan cu e tin caracter y e temperamento adecuado pa ta president. E mayor asignacion di Trump diadomingo anochi tabata pa detene un crisis.
Prome cu e debate a cuminza, varios miembro di e partido a retira nan apoyo, entre yamado pa retira e contienda.
Despues, segun un encuesta di CNN/ORC entre espectadornan di e debate, Clinton a gana e debate pa un 57% dilanti un 34% cu a opina cu Trump a gana. Pero e 63% di e espectadornan a bisa cu Trump a haci miho di loke nan a spera.
E no tabata un Victoria pa Trump, pero el a evita un colapso total.
Fuente: CNN en Español