Den Parlamento a trata varios tema, entre otro corupcion den gobernacion. Den e cuadro aki Lider di MEP a trece padilanti como un di e tantisimo ehempelnan di corupcion, e caso di “insure-to-study”, cu te awe ta keda un caso hopi cuestionabel.
Nos tur ta corda e caso cu minister Michelle Hooyboer-Winklaar a perde contra Solo di Pueblo, na momento di a scoge un asegurador nobo pa studiantenan na Hulanda, a scohe Insure-to-study. Un compania cu no tabata tin ningun capital, no tabata tin trahado casi, y ni tabata tin un liña di telefon duro. Desde un principio e tabata un caso hopi cuestionabel.
Despues cu den prensa pa 3 siman largo a trece tur e dudanan aki padilanti, e minister a reacciona riba acusacionnan den cual a cuestiona e integridad di e minister, y iregularidadnan den e destaho publico pa cu e pakete di seguro ey. Por ehempel kendenan tur a entrega oferta, a base di kico e compania InsureToStudy a gana e bidding, e scoring sheet, etc. Hopi a cuestiona e escogencia ey, incluyendo prensa. Pero minister Hooyboer-Winklaar no a gusta e acusacionnan y a hiba e corant corte.
Pa su mala suerte e berdad a prevalece, y hues imparcial a dicta cu e corant no a haci nada malo, cu e corant no a skirbi nada cu e mester rectifica.
Es mas, hues a bay mas leu. Hues a dicta cu casa di Michelle Hooyboer-Winklaar tin relacion cu e doñonan di Insure-To-Study, y pues aki ta parce di tin privilegio na “friends and family”.
Tambe hues a dicta cu e forma cu minister Hooijboer a atende cu esaki, door di a scoge un compania nobo, y sin capital, por perhudica e studiantenan.
Cu esaki a keda graba den historia e caso cuestionabel di Michelle Hooyboer-Winklaar kende a scoge pa privilegia su casa, y perhudica studiantenan.
Pa colmo, e caso tabata trata solamente pa ‘clear’ e nomber di casa di Michelle Hooyboer-Winklaar, pero ta pueblo a paga 23 mil florin pa e caso aki. Pueblo ta exigi pa Michelle Hooijboer-Winklaar paga e placa aki bek!