New York, MERCA- Ta birando comun cu e organisacion islamico radical Boko Haram ta uza muchanan pa atakenan suicida na Nigera, Tsjaad, Niger y Cameroon.
Den e prome lunana di 2017 ya caba 274 mucha a wordo uza pa atakenan suicida. Esaki ta tres biaha mas hopi comprara cu e mesun periodo aki aña pasa y mesun hopi cu henter aña 2016.
Mas tanto mucha muhenan ta wordo uza pa esaki, segun un rapport di Unicef. Pa loke ta conoci, desde 2014 ya caba 117 mucha den e regionnan di conflicto, tabata tin bombnan cu nan cu a wordo uza pa rementa nan mes.
“Esaki ta e manera mas cruel cu un mucha por wordo uza den un conflicto”, segun Marie-Pierre Poirier, director di Unicef West- y Afrika Central.
Pa miedo di atentadonan tropanan di siguridad ta controla mas y mas muchanan jong y tambe babynan, den e areanan di mercado, puntonan di control y otro luganan cu ta druk ya cu nan ta wordo considera sospechoso. Esaki ta un desaroyo di gran preocupacion pa UNICEF.
Poirier:” E muchanan aki ta victima, no criminalnan. Un mucha nunca mester wordo forsa pa gaña pa realisa tipo di actonan asina”.
Na 2016 casi 1500 sospechosonan hoben a wordo aresta, y mas di un tercera parti ainda ta cera.