Esaki ta e mensahe di experto Tendayi Achiume di Nashonnan Uni tocante racismo y xenofobia. E la bishita Hulanda siman pasa y a presenta su conclusionnan durante un rueda di prensa na Den Haag. E dama di Zambia ta sigui Verene Shepherd cu a duna critica fuerte riba e figura di Zwarte Piet den un rapport di 2015. Segun Tendayi, Hulanda a dal su paso nan importante for di 2015, asina e ta elogia e decision pa no uza Zwarte Piet den e siguiente celebracion di Sinterklaas pero colorido. Ta importante pa ta den dialogo, pero Tendayi ta haya cu gobierno Hulandes mester tuma mas responsabilidad den e cuestion aki, principalmente pasobra ta trata evento nan cu ta wordo subsidia, cu esaki e ta papia di Premier Hulandes Mark Rutte cu repetidamente a bisa cu e ta laga cambionan riba e tereno aki den man di comunidad. Un rol importante pa gobierno ta den enseñansa , les nan di historia mester duna mas atencion na envolvimento Hulandes den sclavitud y colonialismo, yegada di laborant nan imigrante na Hulanda. Finalmente esaki ta yuda pa combati discriminacion y intolerancia, segun e funcionario di Nashonnan Uni. E funcionario tabatin critica riba e recien introduci prohibicion riba burka, esaki ta contra dama nan moslim cu ya ta un grupo invulnerabel den Hulanda.