Plan di parti di Gobierno ta pa haci caya bunita, pero awe caya grandi ta mas morto cu nunca, danki na AVP segun parlamentario Dangui Oduber, durante e conferencia semanal di MEP.
Den varios ocasion parlamentarionan di MEP a bay den Caya Betico Croes pa ilustra e situacion. Na e momentonan aki 3 tienda mas a cera nan porta. En total a yega na 37 tienda cera den caya. Loke kier trece dilanti cu comerciantenan ta preocupa pasobra financieramente nan no ta logrando nan meta y hopi di nan ta cera. Pero por wak hopi di e luganan ta wordo azota cu criminalidad. Parti e plan di Gobierno di e plan di embeyecimento, ora cu papia cu tur e comerciantenan ta, cu Gobierno a ofrece na tur e comerciantenan aki siguridad. Siguridad den caya durante dia y siguridad den caya durante anochi pa protehe nan inversion y nan negoshi, cual lamentablemente no a pasa durante ultimo añanan aki. Ta varios comerciante ta sufriendo. Por wak e comeraciantenan tur tin hekwerk dilanti nan negoshi, ilustrando den ki situacion nos pais ta bibando aden.
Nos turismo di garantia
Loke tambe Oduber a trata ta e situacion cu nos tin den nos turismo. Minister Dowers tabata den parlamento y a tende e asunto di e ola di criminalidad y a puntra minister Dowers si e por duna indicacion cuanto turista a drenta nos pais e ultimo dos añanan aki y cuanto turista a sali y cuanto a keda nos pais como ilegal.
Manera ta conoci den e ultimo dos añanan, a drenta mas di 400 mil persona, cu no por wordo considera como turista, sino mas bien a bin Aruba pa keda atras y keda como ilegal. Minister Dowers no a contesta tur pregunta den parlamento. El a tene un conferencia di prensa si y durante e conferencia di prensa aki, el a bisa cu mayoria di e turistanan aki a bin pa keda nos pais. Tur tabata tin garantia, y hasta el a bisa cu avionnan tabata bin for di Venezuela, caminda cu henter un avion, tur pasahero tabata tin carta di garantia.
E problema di garantia
Ora cu un turista bin nos pais, e mester di un garantsteller, un persona cu ta para garantia pe, cu ta garantisa cu e por paga su alimentacion durante su estadia. E exigencia di Gobierno pa un turista bin Aruba ta como un garantsteller, mester gana un salario minimo. E minister a confirma cu un persona cu ta gana salario minimo no por mantene ni su mes. Pa 7 aña largo, e gobierno aki a hiba un maneho cu e garante cu e unico cos cu e tin cu cumpli cu ne, cu e mester por presenta un garantia cu e ta gana un salario minimo.
