A pesar di e apertura di e frontera maritimo y e reestablecemento di e relacionnan diplomatico entre e gobiernonan di Aruba y Venezuela, autoridad local a extende pa 90 dia mas e prohibicion di vuelo comercial cu e pais bisiña, segun un publicacion di NTN24.
E decision ta busca pa frena e migracion di Venezolano p’e isla. “E vuelonan cu Venezuela mester habri inicialmente pa carga y no pa pasahero pa evita un migracion nobo p’e isla,” segun Diederik Kemmerling, e presidente nobo di Camara di Comercio di Aruba.
E aerolineanan a tuma e medida aki como sorpresa, kendenan tabata spera pa reanuda nan operacion na januari 2024, despues cu prome minister di Aruba, Evelyn Wever-Croes, a anticipa cu lo anula e medida y lo sigui cu e activacion di e vuelonan comercial.
Ta spera cu den e proximo simannan un delegacion di e gobierno di Aruba biaha pa Caracas, pa evalua e relacionnan entre ambos nacion.
Ta calcula cu por lo menos 17 mil Venezolano ta biba na Aruba. Aruba ta un destino atractivo pa hopi Venezolano, vooral e habitantenan di e estado Falcon (nort), cu a keda mas of menos 90 kilometer leu di e isla. Den e ultimo lunanan varios embarcacion cu migrante a yega Aruba, cu ta exigi visa di e Venezolanonan desde 2020.