E situacion di empresanan ta varia di sector pa sector, segun presidente di FTA, Hubert Dirksz.
E sector di construccion sa cu tin un dip, maske cu tin poco miembro den e sector aki. Sector metal tin speransa, esta cu e refineria cu lo bin, un reapertura y basa riba esey lo trece mas miembro pa FTA, pero tambe kisas mas reto. Tin e parti di hotel, cu ta bayendo bon te awor aki, maske tin tendencianan hopi peligroso, entre otro nos producto y nos siguridad. Mester tene cuenta cu ta un pilar economico hopi importante cu no por neglisha. Sigur mester tum’e hopi na serio, cual segun Dirksz, falta. Den e caso aki e sector aki te awor aki a logra di tin bon CAO, no den tur empresa, pero si mayoria a yega na CAOnan aceptabel. Sa cu e sector casino ta un problema, pasobra tin inversionistanan, dunadonan di trabao, cu pa Dirksz, falta seriedad y no tin un ley pa pone nan na nan luga y ta trece hopi problema den mundo di casino.