E dia di accion di gracia a yega na un punto critico di e bataya di Merca contra covid-19. E pandemia ta causando efecto na varios comunidad di Merca y experto tin miedo cu celebracion y reunion tradicional lo por aumenta casonan na medida cu siman pasa.
For di dia 3 di november a raporta mas di 100.000 caso nobo di infeccion. Tur dia durante mas di dos siman, subida di pashent na hospital a yega otro record nacional. Tur dia centenares di Mericano ta muri pa causa di e virus.
Un experto ta bisa cu morto pa dia lo duplica den algun dia. “Ora bo wak cuanto persona tin den hospital awe, nan a infecta nan mes dos siman pasa of mas. E por tuma entre cinco pa shete dia pa bira sintomatico”, a bisa dokter Jonathan Reiner, profesor di medicina na George Washington University.
E ta wak e tasa di mortalidad diario lo duplica pa e proximo 10 dia, nan lo wak 4000 morto pa dia. Mas di 262.100 persona a muri na na Merca for di e cuminsamento di e pandemia.
Un pronostico conhuntamente publica pa e centro pa control y prevencion di malesa ta proyecta un 60.000 persona por perde nan bida den e proximo tres siman y mey.