Director di Douane, Roderick Croes ta duna di conoce cu e espacio di Douane no a bira chikito, manera cu SADA ta bisa. Si construccion lo bay tuma luga, pero e luga mes a keda mesun cos. Loke a pasa cu e carrentalnan, AAA kier a trece nan paden y di parti di Douane a trece dilanti cu si bin cu carrentalnan paden y habri, e por trece un trabao hopi mas grandi pa Douane, pasobra nan tin cu bay controla mas cos.
Motibo pakico a pidi AAA pa no haci esey y a para fuerte den esey, na su turno AAA a cera e parti cu ta habri den e parti di Douane y a habri un porta pafo e ora, pasobra Douane ta contra cu un steriel gebied ta wordo uza pa otronan.
Segun Croes, esaki ta algo cu tin hopi tempo ta bayendo on. Tin hopi tempo tabata tin cierto reunionnan cu AAA, cu minister tambe. Den e caso aki AAA a duna full un presentacion na minister pa wak con e ta wordo cambia, kico e cambionan lo bay ta, pakico e lo bay ta y e minister a duna OK pa esey. Despues di esey a sigui algun discusion mas cu Douane kier cambio of no, con e cambionan mester ta, pakico nan mester ta. E proyecto aki mester a cuminsa for di April caba, pero el a wordo para, te cu awor aki. Awor aki si nan a dicidi cu e ta bay door. E ora e chef di aeropuerto pa bisa su trahadonan pa nan tene cuenta cu cierto cosnan ta bay pasa y e trabaonan ta wordo haci for di 12’or di mey anochi pa mainta. Den e caso ey, no ta bay stroba e trabao di Douane.
Scanmachine
Semper Douane tabata para hopi na e scanmachine. Awor aki a haya dos scanmachine di modo cu e fluho lo mester bay mas lihe. Locual cu Douane kier haci, cual a bin ta haciendo tanto den container y den tur forma di traha di Douane, cu ta bay traha mas eficiente. Den sentido cu ta bay controla esunnan cu echt mester wordo controla. Na parecer di Croes, ta miho controla 10 hende, 100% of den e caso di container, 10 container 100%, cu bo bay controla 100 container of 100 hende 10%. Bo no ta efectivo mas e ora ey. Tin cu bay wak con ta traha basa riba un risk analyse, pa wak kendenan ta esun cu tin cu wordo controla.
Ta buscando entrenamento cerca US Customs, pa asina nan bin cu trainingnan di profilering, pa haya mas experiencia of mas conocemento riba e profilering y ta bay saca profiel, basa riba cua ta bay controla.
Hasta US Customs a propone pa bin cu algun di su hendenan for di Colombia pa yuda entrena. Awor aki tur cos ta sigui su marcha normal, aunke e sistema di traha ta bay ta un sistema smart. Mester bay traha sabi, segun Croes.
Esey ta tur e intake den esaki, pa traha sabi, sin gasta hopi tempo.
Awor aki tin un scanmachine. Ta purbando pa drecha un otro scan y tin dos cu lo wordo treci, e ora ta haya dos mashin nobo nobo, cual sigur lo yuda den e fluho den e dianan di mas druk. E profilering y e risk analyse, segun Croes, por laga esunnan cu no mester wordo controla pasa bay y esunnan echt cu mester wordo controla, a base di e risico analyse cu ta haci, wordo controla e ora, segun Croes.