Sedan vs Hatchback
Cual ta e vehiculo cu ta mihor pa bo persona.
Ora ta en busca di un auto, of simplemente papiando di auto en general, sigur bo ta topa cu modelonan cu tin dos diferente opcion- “sedan” of “hatchback”. Sedan y hatchback, ambos ta hopi similar. Nan tur dos tin capacidad pa fit cinco persona y tin un bahul espacioso. Kiko ta hasi e diferencia entre e sedan y hatchback anto?
Sedan ta un modelo tradicional y ta conoci pa tin cuatro porta y dos rij di asiento. E dak tin su curva cu ta bai abou yega na e bahul net bou di e bentana/glas parti patras (backshield). Y e bahul ta separa for di e compartimiento interior. Den lenguahe automotriz, e sedan ta wordo jama “three-box design” cu ta bira e compartimento di motor, compartimiento di pasahero y e compartimiento di carga.
Mientras tanto e hatchback ta un vehiculo “two-box design” cu tin e compartimiento di pasahero y cargo cu ta hunto. A pesar cu e modelonan hatchback ta hopi similar na sedan, nan sa bin mas tanto cu tres(3) of cinco(5) porta. Den e caso di hatchback, e lid di e bahul tambe ta wordo conta como un porta.
Den un hatchback compara cu e sedan, e espacio di cargo por bira mas grandi, pasobra cu e bahul ta accesible for di e parti interior. Den un hatchback, e sienta nan parti patras, por dobla fácilmente cu e espacio di cargo ta bira uno mas grandi. Tambe mayoría di hatchback tin un mihor rendimento di gasolin compara cu sedan, esaki pa e motibo cu e hatchback por tin menos peso.
Na e otro banda, e sedan nan sa bin cu motor na un poko mas grandi, cual ta crucial pa e rendimiento y maneho di e vehiculo. Cu e extra peso di e bahul, sedan nan ta mas stabil riba carretera na un speed mas halto, compara cu e hatchback. Un wheel base mas largo por crea mas espacio interior cu pasaheronan por gosa di mas “legroom”.
Mientras e decisión ta keda na cada persona, ki tipo di vehiculo ta esun cu ta pas mas cu nan necesidad, Kia Motors constantemente ta dedica na crea autonan dinamico y diversifica.
Pa duna un mihor ehempel nos lo illustra e Kia Rio cu tin option di sedan y hatchback. Ambos Kia Rio Sedan y Hatchback di cuater generación, ta un poko mas grandi cu e modelo anterior y cu un diseño mas deportivo. E interior tambe ta mas espacioso, moderno y cu instrumento y materialnan un poko mas exclusivo. Tambe pa e parti di motor, a mehora e ‘driving dynamics’ y rendimiento di gasolin.
A pesar di e similaridad di ambos modelo, e hatchback tin un “tiger-nose grill” poko mas fini y cu diseño di fog lights un poko diferente. Manera menciona anteriormente, e Rio Hatchback ta ofrece un amplio espacio di cargo, cu por acomoda facilmente maletanan grandi, muebles nan chikito of equipo nan pa bo hobby.
E diferencia di escogencia entre un sedan of hatchback ta keda na cada persona su lifestyle y circunstancia nan personal. Probablemente bo ta un persona activo cu mester di mas espacio pa carga tur bo equipo di entrenamiento, of bo ta encanta e poder di maneho cu ta dunabo un paseo suave den bo bida diario, escogencia ta keda na cada persona.
Dus cua Kia abo lo scoge? Pasa cerca nos aki na Topcar N.V. y sigur nos lo yudabo cu e mihor informacion y servicio pa e compra di bo auto. Y actualmente e Kia Rio ta na un prijs special.
Topcar N.V. ta un compania local dinamico, agente exclusivo di vehiculonan marca Kia. Topcar tambe ta ofrece servicio inmediato na su clientenan den ramo di benta, parts y garashi. Su personal servicial cu experiencia incomparabel ta para semper cla pa duna e mihor servicio. Pasa Showroom den Caya Ernesto Petronia 21 of jama na 528-9500. Corda bishita nos pagina di Facebook Kia Motors Aruba of nos website www.kia.com