Diadomingo marduga security nan di Playa Linda hotel a sinti holor di plastic kima y a cuminsa tira bista rond. Na Dushi Bagels & Burgers situa na Playa Linda nan a mira huma den e lugar. E security nan no a duda y a notifica polis y brandweer mesora. Tawata un aparato electronico tawata tin un corto circuito y a cuminsa pega candela. Brandweer a controla tur cos y despues a habri full e lugar pa e aire circula y saca tur huma. Polis a tuma dato.