DEN HAAG – Secretaris di Raad van Advies mr. Albert Braamskamp a haci awe diahuebs 27 di september un bishita di cortesia na Minister Plenipotenciario Guillfred Besaril. Tambe presente tabata director a.i. di Arubahuis mr. Glenn Ling.
Sr. Braamskamp a keda nombra como secretaris di Raad van Advies entrante prome di augustus di e aña aki y ta susesor di sra. mr. Hellen van der Wal, cu a keda nombra den Caft. Den cuadro di su nombracion sr. Braamskamp ta na Hulanda pa introduci su mes y reuni cu instancianan cu tin di haber cu Raad van Advies di Aruba.
Durante e bishita Minister Plenipotenciario Guillfred Besaril a toca e tema cu sr. Braamskamp riba hopi leynan na Aruba cu ta antiqua y mester bin cu adaptacionnan nesesario pa asina e leynan ta mas ekipa pa e sociedad di awendia na Aruba.
Minister Besaril a desea sr. Braamskamp hopi exito den su funcion nobo como secretaris di Raad van Advies di Aruba.
Nota pa redacion: E potret ta cortesia di Cas di Aruba