Riba Diaranson 2 October, Van Ark tin un encuentro cu gezagheber di Boneiro, Edison Rijna. Tambe e lo papia cu Colegio Ehecutivo y cu representantenan di dunadonan di trabou, empleadonan y Camara di Comercio. Riba diahuebs 3 October Van Ark lo hiba combersacion cu dialogo central Boneiro, e plataforma di deliberacion local, recien lanza, na cua e partidonan menciona lo participa. Dialogo central ta papia tocante temanan cu ta contribui na un Boneiro social, economico y ecologico, manera relacionannan laboral y reduccion di pobresa.
Riba diabierna 4 October e bishita di secretario di Estado ta den cuadro di mercao laboral local y acohida pa mucha. Van Ark hunto cu diputado Nina de Heyer, lo bishita e proyecto crusada, caminda hende ta traha bou di supervision, den un ambiente sigur y adapta. Tambe lo asisti na un presentacion e dia ey tocante e ‘ jobcentrum ‘ cu lo lanta na Boneiro bou di e nomber ‘Plenchi di trabou’. Den cuadro di e programa BES(t) 4 kids, nan lo bishita e acohida pa mucha ‘Hardin tia sus’ na Rincon. Meta di e programa di mas aña ta pa realisa acohida pa mucha, preescolar y posescolar, axcesibel di bon calidad na hulanda Caribense. Riba diasabra 5 October e delegacion ta bula bek pa Hulanda Europeo.