Director doño di Second Home Mondial Victor Poppenburg a tene un reunion di cortesia cu Minister Plenipotenciario Guillfred Besaril. Second Home Mondial ta un network y marketing di real estate exclusivo pafor di Hulanda.
Durante e combersacion Sr. Poppenburg a duna un relato na e mandatario di su compania y ki plannan e tin pa cu Aruba. Segun Poppenburg un parti e poblacion di Hulanda door di edad halto y cu nan pensioen, ta orienta na mes riba e posibilidad pa establece nan mes permanente of pa un periodo temporal riba e tres islanan ABC.
Second Home Mondial ta den combersacion cu diferente partnernan na Aruba pa posibelmente yega na organisa en cooperacion cu TUI biahenan di orientacion na Aruba. E biahenan aki ta pa informa e interesadonan y turistanan sin ningun compromiso riba e reglanan pa establece nan mes na Aruba.
Segun sr. Poppenburg e ultimo cuater lunanan e interes ta hopi grandi, sigur den combinacion cu un acomodacion na un hotel. E plan ta pa planea e prome biahe di orientacion ta planea na april 2018. Sr. Poppenburg a acentua e importancia di e proyecto aki pa traha hunto cu partnernan di confiansa, manera e Gabinete di Minister Plenipotenciario di Curaçao, e Gabinete di Minister Plenipotenciario di Aruba, ATA y PricewaterhouseCoopers.
Minister Besaril a bisa sr. Poppenburg cu e proyecto por ta positivo pa Aruba y cu unda por semper e por conta riba ayudo y sosten di Cas di Aruba.
Potret ta cortesia di Cas di Aruba