Sra. Jurette Croes vocero di Salubrida Publico den un entrevista ta comenta riba e campaña di Vacuna escolar, pa tur mucha cu ta bishita scolnan preparatorio y basico.
Desde dialuna dia 20 di augustus, Seccion Salud Cuido Hubenil (Juegdgezondheidszorg) a cuminsa cu nan campaña di vacuna escolar. Esaki no ta nada nobo, e ta algo cu ta sosode ya pa mas di 50 aña cu e departamento aki, ta encarga cu e vacuna di muchanan di scolnan primario y basico. Muchanan cu falta vacuna ainda, lo ricibi un carta na cas, unda cu mayornan mester ricibi permiso. Nan lo mester firma pa e mucha haya nan vacuna.
Departamento di Jeugdgezondheidszorg tin registra, tur mucha nace na Aruba y cu a bay Wit Gele Kruis, nan sa ki vacuna nan a haya y ki vacuna nan falta. Muchanan cu no a nace na Aruba, nan lo wordo pidi pa trece un prueba di vacunacion, y a base di e schema di Aruba, lo por evalua si e muchanan falta vacuna ainda. Den caso cu falta ainda, nan lo haya esaki, segun Sra. Jurette Croes, di Departamento di Salubridad Publico.