NUEVA YORK (AP) — Sears solicita amparo di Chapter 11 di bancarota. Esaki ta debi na e debenan grandi cu e tin y tambe perdidanan miyonario.
Sears a domina e panorama minorista Mericano pa hopi aña. Pero e gran pregunta ta keda si un version reduci di e compania por ta viabel of si e lo por hay’e obliga di cera y pone un fin na e ultimo capitulo di un mara emblematico cu e surgi ya mas di un siglo prome.
E compania tambe lo cera 142 tienda no rentabel pa fin di aña. E bentanan di likidacion den e tiendanan aki lo cuminsa pronto. Esaki ta apart di e anuncia e cierre di 46 tienda no rentables cu mas sigur lo ta na november 2018.
Sears cu a cumisna den e decada di 1880, como un compania cu tabata bende via catalog, pa basta tempo caba tabata bayendo direccion di extincion debi cu el a keda hopi atras di su competencia, y tabata hinca den perdidanan grandi durante e ultimo añanan. E operador di e tiendanan Sears y Kmart ta ultimonan pa subi e lista grandi di minorista cu a bati bancarota of a wordo likida den e ultimo añanan mei mei di un clima competitivo feros. Algun di nan manera Payless ShoeSource a logra sali exitosamente di reorganisacionnan den corte di bancarota, pero hopi otro manera Toys R Us y Bon-Ton Stores Inc., no. Ambos minorista a hayanan obliga di stop cu nan operacionnan e aña aki despue di pidi pa wordo declara bancarato bou di Chapter 11.
Debido a su enorme tamaño, e solicitud di bancarrota di Sears lo tin influencia den tur cos, desde e doñonan di e localnan, te cu su mile di trahadonan.
Edward S. Lampert a renuncia na su puesto di director general di e compania. E renuncia tabata efectivo di biaha, pero e lo sigui como presidente di e hunta di directiva. E hunta di directiaz a crea e Oficina di Director General, cu lo ta responsabel di e administracion diario durante e proceso aki.