WASHINGTON D.C., Merca – Vocero di Cas Blanco, Sean Spicer a sigura, mediante su rueda di prensa diario, cu e presidente di Merca, Donald Trump, por autorisa e mandamento di mas misil pa Siria si sigui uza armanan kimico den e pais.
“E presidente ta mantene habri e posibilidad di accionnan futuro,” Spicer a indica den su rueda di prensa diario, kende a sigura cu e principio cu e lo wordo guia lo ta pa “proteha e interes nacional di Merca” y cu Trump tin e autoridad legal pa actua.
Diahuebs, Trump a autorisa lansamento di 59 misil guia for di dos destructor desplega den lama Mediteraneo contra un base aereo di e regimen Sirio d Bachar al Assad, como respuesta na un atake dos dia prome cu armanan kimico contra poblacion civil.
Spicer a sigura cu e capacidadnan di abastecimento di combustibel, radar y 20% di e avion di e base aereo Sirio di Shayrat (provincia di Homs) a wordo distrui y por lo tanto, “e posibiolidadnan di opera desde e base ey a disparce.”
E vocero a bisa cu “e operacion di propaganda” di Siria di noticianan cu e aviacion di Al Assad a bolbe lansa bombardeo contra poblacionnan controla pa e oposicion rebelde desde e base aereo ey.
Di e mesun modo, Spicer a reitera e postura expresa ayera pa e embahado Mericano na Nacionnan Uni, Nikki Haley, cu no ta posibel un Siria “den paz y stabil” cu Al Assad na poder.
Den e sentido ey, a confia cu Rusia, aliado di Damasco, hunga un papel positivo pa motiva un proceso politico cu ta pone fin cu mas di seis aña di guera civil.
E vocero a sigura cu Rusia ta mantene interesnan comun cu Merca, con pa caba cu yihadistanan di Estado Islamico (EI) y cu Washington ta dispuesto pa traha cu Moscu den e sentido ey.
E secretario di Merca, Rex Tillerson, lo reuni diaranson cu su homologo Ruso, Serguei Lavrov, pa explora e posibilidad di un relacion mas cercano cu Moscu den temanan di interes comun.
Fuente: NTN24