E sealnan cu ta los for di e drainer tin como consecuencia cu esakinan ta habri y aire ta pasa. Door di esaki e holo di riolering ta sali afo bin den e edificio di DIMAS.
Algun aña atras tabata tin problemanan basta structural ora cu edificio di DIMAS a wordo tuma den uzo. A haci diferente trabounan di investigacion hunto cu DVG y Pure Health pa wak si tin materialnan toxico den e edificio. Pero a constata cu tur cos tabata den condicionnan optimal. Sr. Marlon Croes Director di DOW cu e desaroyo.
Locual cu si tabata tin un glas material cu a cay riba e desknan cual ta pone cu e personal por haya rash. Esaki a wordo coregi di parti di DOW hunto cu e contratista. A tuma muestranan cu a wordo manda afo, y no tabata tin problema. E edificio a wordo tuma back y nada no a sucede pa un periodo basta largo.
Por a mira si cu tabata tin diferente wasbaknan nan tubonan cu a wordo gedal, durante trabou di limpieza na e luga cu por dal y por hala e tubo. E sealnan ta los for di e drainer cu consecuencia cu e ta habri y aire ta pasa. Door di esaki e holo di riolering ta sali afo
Ayera durante un reunion cu DOW hunto cu Minister Otmar Oduber un yamada a drenta riba e punto ey y Minister a pidi personalmente pa tuma accion di biaha. DOW a bay di biaha na e luga, y ya prome cu 1 or di atardi a bin localisa e problema. Tabata un tubo cu kisas inconcientemente a wordo gedal cual a causa cu e seal a hala, y e holo a bin afo.
Team di DOW a drecha e problema aki y a keda controla durante oranan di mainta pa cualkier desaroyo. A palabra cu e personal di haci limpi pa tene mas cuidao ora di haci limpiesa. Un otro alternativa lo ta pa traha un cover pa nan no yega dal e tubonan atrobe, segun Sr. Marlon Croes, director di DOW.