Scouting Aruba a lansa su plataforma di comunicacion online ilustrando e preparacionnan pa e proximo World Scout Jamboree cu lo tuma luga na West Virginia, USA. Un total di 36 representante di Aruba lo participa den e evento mundial aki di cual ta spera un total di 50 mil participante di rond mundo.
E representante nan di Aruba ta consisti di varios grupo Scout Grupo di Scouting Aruba (Grupo Scout Ora Ubao, Casibari, St. Hyacinthus y Cacique Macuarima), bou guia di Contingent Lider GL Jairzinho Theodora lo tin un total di 6 lider, 25 hoben y 5 lider cual lo join e equipo di servico di e Jamboree (International Service Team).
Nos ta invita comunidad di Aruba pa subi riba nos Facebook Page “WSJ 2019 Aruba Contingent” pa sigui e progreso y cada un detaye durante e trayectoria pa e evento aki, y alabes sigui e campamento mundial aki y asina experencia e evento masivo aki.
Nos kier a gradici cada un sponsor / comerciante cu ta haci esaki posibel y si tin mas persona of comerciante cu ta kere den nos hobennan y lo ta desea di coopera, por tuma contacto cu nos lider di Contingente GL Jairzinho Theodora na [email protected] of na 593-1540.