Tabata tin hopi critica a bin den direccion di minister di enseñansa cu a tarda pa tuma e desicion pa sera e tres scolnan na Paradera cu tabata tin molester di huma. A tuma contacto cu Minister Hooyboer- Winklaar pa sa e motibo pa cual a tarda y e minister ta splica.
Segun e minister, tabata tin indicacion cu e scolnan mester a wordo cera, y cerca Minister ta for di momento cu Inspectie ta wordo poni na altura, pa tuma un decision basa ariba e situacion. Den e caso aki, tur hende ta di acuerdo, cu asina cu tin peliger di huma of candela, cualkier cos cu por tin last hopi significante tanto pa alumno como pa maestronan, esey ta e momento cu conhuntamente ta traha e advies. Segun e minister e conseho ta simplemente un yamada cu ta wordo haci pa prepara y yama mayornan, paso esey tambe ta tarda hopi biaha.
E minister a compronde cu e proceso una bes cu a haya e aprobacion pa tuma e pasonan ey pa cera e scolnan, mirando cu e situacion no ta bay wordo resolvi di un dia pa otro, pa prepara pa notifica e mayornan cu e scolnan ta cera, y e dianan ta depende di consehonan di Brandweer, Directie Volksgezondheid etc.
Si ta cera un scol, mester sa cu mester haya tur mayor pa bin busca nan yiunan. Hopi biaha ta dificil pa un mayor, pa bin busca su yiu y e ora e personal tambe mester keda. Inspectie tin biaha ta haci un inspeccion y ta duna advies, pero asina mes tin ora nan por cera e scol numa. Den casonan asina, ta rekeri un atencion hopi hopi special, mirando cu mester monitorea e situacion pa bisa e mayornan cu ta wordo premira cu pa un cierto fecha e scolnan lo habri bek.
Tin varios instancia envolvi den e situacion di e scolnan di Paradera. Cierto biaha esaki por tarda y a cuminsa notifica mayornan pa 8.45 y si wak cu for di dialuna lo por a haya un miho indicacion. Pero esey lamentablemente no a bay asina ey. Ministerio di Enseñansa no a wordo notifica cu e candela ta un peliger pa scolnan den vecindario. Kisas nan tampoco no tabata sa, mirando e desaroyo di un candela ta bay sin aviso.
Den casonan asina, instancianan ta keda den contacto cu otro y esaki ta hopi importante, segun e Minsiter di Enseñansa, Sra. Michelle Hooyboer- Winklaar.