Scolnan ta activo, nan ta haci locual nan por ariba tereno di movecion, segun Sra Monique Van Embden ta splica, aunke tin espacio pa mehoracion.
Muchanan ta haci actividad fisico tur dia. Pero pa e lesnan nan mester pasa cierto oranan di ora den e bankinan. Pa nan sinta, studia, siña y ta activo fisicamente ta hopi importante. Tin suficiente prueba cu ta splica muchanan cu ta activo cu deporte, cu ta hunga ta studia miho y ta duna miho resultado. Nan ta concentra miho.
Ainda toch ta tende docentenant a bisa cu e muchanan ta bin hyper di pafo y nan no ta bay concentra bon. Pero mester trece un bon balansa pa sinta studia ta duna hopi mas miho resultado. Tin muchanan na Inglatera tin un estudio di un ehempel unda muchanan ta core tur dia un miya, tur mainta cu nan cuminsa cu nan programa di scol, ariba e speelplaats nan ta core un miya. Di e manera aki ta evita obesidad y ta stimula e muchanan pa studia miho tambe.
Segun Sra. Van Embden, e ta spera cu algun dia aki na Aruba por yega na un programa asina aki. Ibisa ta trahando ariba esaki y Sra. Van Embden ta kere cu e comision na Ibisa ta haciendo un bon trabao, pa wak con pa yega na un manera mas miho ainda. Deporte escolar ta yuda y scolnan ta participa na dje. Ideal lo ta pa cada mucha ta participa na un of otro deporte den e programa escolar.
Mientras tanto aworaki, muchanan cu ta participa ta muchanan cu ta activo caba y lo kier yega na esunnan cu no ta dje activo ey. Asina Sra. Monique Van Embden a finalisa bisando.