Sr. Marlon Croes, director di DOW ta splica kico por hasi den corto tempo pa tuma accion pa un caso di un scol asina cu tin basta aña cu e mesun problemanan. E ta amplia mas.
Lo laga e afdeling Planning di DOW lo bay hasi e assesment y OP ta haci trabaonan di renobacion grandi, lo bay wak kico e ta pa conseha gobierno ariba dje. Esaki segun Sr. Croes, dentro di 4 pa 6 siman lo tin un idea di kico e trabao ta encera y kico ta e costo su tras pa loke ta gobierno.
DOW a tuma Task Force over na Augustus 2014 y esey tambe kiermen cu nan a tuma e
mantencion di e scolnan tambe over. E mantencionnan normalmente ta mantencionnan chikito y DOW ta haci’e pa tur e scolnan. Den cuadro di esey ta haci pa e Scolnan Publico (di gobierno) nan ta haci mantencion regular. Por ehempel scolnan di gobierno DOW tin e
fondonan necesario aloca ariba presupuesto di gobierno unda nan ta haya e mantencion
grandi cada 5 aña y entre e siguiente 5 añanan no ta haci mantencion grandi, pero
mantencionnan chikito.
E scolnan publico ta cay directamente bou di DOW y cada tanto tempo ta bishita e scolnan y ta haci un observacion completo ariba dje. Pa bisa pa ki dia nan ta bin na remarca pa un
mantencion toch. E aña aki ta aña di eleccion y nan ekiponan ta trahando ariba e urnanan electoral. E prioridad ta e urnanan y e prioridad di e scolnan ta verschuif te despues di eleccion, segun Sr. Marlon Croes, director di DOW.