CANCUN, Mexico- Directiva di un scol secundario na Cozumel a organisa un fiesta di graduacion pa nan alumnonan. Pero, mei mei di e sala nan a pone un muraya di palo, pa asina separa esunnan cu si a paga pa e fiesta y esunnan cu no a paga. Esaki ta un acto di discriminacion cu a habri caminda pa un apertura di un keho di oficio di parti di e Comision Estatal di Derechonan Humano di Quintana Roo (CEDHQROO).
Usuarionan di rednan social a denuncia e caso y a critica e scol, dirigi pa Jesús Aguilar Arechiga, pa a haci un distincion entre e studiantenan.
Segun e denuncia, un empresa priva a wordo contrata pa organisa e ceremonia di graduacion di e studiantenan, den e Centro di Convencion. E compania tabata esun encarga pa haci e separacion entre esunnan cu a paga y no, uzando un armband. Tambe nan a pone un muryaa pa e studiantenan cu no a paga y nan famia, keda separa di esunnan cu si a paga.
Sin embargo, e ombudsman estatal, Harley Sosa, a indica cu, door cu ta trata di un ceremonia di graduacion, e responsabilidad ta cay pa e autoridadnan di e scol pa a comete e acto aki di discriminacion.
“Nan por bisa cu tabata e compania, pero eynan autoridadnan di e scol a entrega un documentacion oficial, cu no mester a permiti e acto aki, cu, den tur sentido, ta discriminatorio”, Sosa a declara den un entrevista cu EL UNIVERSAL.
Fuente: www.eluniversal.com