Sra. Iraida Theysen, hefe di seccion di Salud di IBiSA ta splica tocante e proyecto piloto pa Scolnan Saludabel. Awo nan ta bay cuminsa implementa esaki den e aña escolar nobo, y tin diferente plannan pa wak con ta bay introduci esaki na e scolnan cu ta interesa den e proyecto.
No ta bay pa comemento so, pero tambe e parti di actividad fisico y tambe salud mental. Tin diferente topico cu dependiendo di e scol, e interes of necesidad di e scol, cu esey lo bay traha. Si e scol ta sinti cu na e scol ta wordo tenta, e ora Scol Saludabel lo bay traha hunto cu e scol con pa pak aan e situacion. Si e problema ta obesidad, lo bay paso a paso. Pero si e scol ta sinti cu nan kier haci cambio na e alimentacion di e muchanan, sigur e team di Scol Saludabel ta cla pa cuminsa e siguiente aña escolar, pa asina duna e scolnan interesa apoyo.
Proyecto Scol Saludabel ta purba pa e gastonan keda hopi abao, ya cu semper tin gastonan. Pero ta purba work out pa cual ta e miho forma pa bo tin un efecto grandi cu poco placa. Y con ta para cu e muchanan cu ta sali for di scol pa cumpra pafo di scol?
Sra. Theysen a splica cu nan ta trahando ariba esaki, cu si por pone, aunke no a dicidi ainda, con por controla e muchanan, y esaki ainda no a wordo discuti prome cu e aña escolar nobo.
A puntra Sra Theysen e scolnan cu a hasi e proyecto piloto e la duna bon resultado y el a splica cu tabata tin 5 scol piloto y Sra. Theysen a bisa cu su persona cu un otro colega a begeleid Cacique Macuarima. Nan a ripara cu locual cu nan ta trece pa treat p.e. A bira mas saludabel y tambe cu nan ta haci diferente actividad tocante desayuno. Tres biaha pa aña nan ta desayuna na scol. Na cuminsamento e muchanan tabata keha cu tabata duna pan bruin y e siguiente aña nan ta come esaki sin keha. E muchanan a realisa cu pan bruin y cu e ta hasta smaak mas dushi cu pan blanco y asina mayoria mucha a custuma cu ta come pan bruin. Segun Sra. Theysen, e ta un custumber. Si ta custuma cu pan blanco na cas y cambia esaki pa pan bruin, ta dificil. Pero si bo no conoce otro, e ta mas facil.
Ta purba promove pa muchanan ora di treat trece lunch mas saludabel y den caso di Cacique Macuarima pa nan desayuna saludabel y desayuna prome cu bin scol, cual ta hopi importante pa mucha di scol.
E prome fase, cual ta e base, tey caba. Ta traha ariba continuacion. E proyecto piloto ya caba nan a traha riba dje, pa sa kico tabata e foutnan. E ta nobo pa e Stuurgroep y tambe pa e scolnan. Pero door di cay y lanta bek, ta yegando poco poco na e direccion cu lo ta bon pa tur dos banda.