Minister di Enseñanza a trece regalo di Sinterklaas pa Scol Primario Kudawecha cual ta un Digi Board y e intencion ta pa den proximo dianan cada klas di e scol haya uno pa usa. Nan tin ademas por bisa e previlegio cu meneer Levy, kende tabata duna les na e mesun scol, ta bira esun cu lo train e maestronan pa usa e Digi Boardnan aki. MInister Lampe a bisa cu e ta conento cu Scol Primario Kudwecha a presta Gobierno meneer Levy p’asina e por duna duna les na henter Aruba riba e digi board aki. Y mas cu claro esaki ta un momento importante pa nos scolnan rond Aruba pasobra tur scol publico lo haya e digi boardnan aki dentro di e plan “Plan Educacional Aruba 2030”. Manera ta conoci esaki ta un plan strategico di 10 aña di na unda kier hiba e maneho di enseñanza y ta tuma decisionnan a base di un maneho y no den stilo “ad hoc”. Akinan e mucha ta central caminda e ta biba caba den un mundo digital y pesey nos tin cu prepara e muchanan aki pa e sociedad di futuro aki cu ta un sociedad digital. Na diferente pais caba si no tin e digital skills aki bo ta “nowhere”. Y pesey Minister di Enseñanza a pone como parti strategico e digitalizacion di e sistema di enseñanza y caminda cu pa medio di e instrumento aki lo bai yuda nan proceso di aprendizage.