Cacique Aterima Kleuterschool tin basta aña di existencia y prome e tabatin 2 klas na e scol basico Cacique Macuarima, pero awo tin 23 aña den e edificio actual. Tabatin como cabesante juffrouw Rosa Stamper, pero awo tin como cabesante juffrouw Maritza Carrion, asina cabesante suplente di Cacique Aterima Kleuterschool, Gregorita Thodé a remarca. Cacique Aterima tin 2 klas di 27 alumno y 2 klas di 24, cual ta 2 klas di oudste y 2 di jongste.
E aña aki Cacique Aterima Kleuterschool ta bendiciona pasobra nan a yega na turno pa un renobacion y a verf e scol completo. Pero tambe nan a haya cura nobo, cual nan ta haya importante cu un scol tin un cura nobo. E cura ta pa e siguridad di e muchanan, juffrouw Gregorita Thodé a remarca. E maestronan ta contento cu e scol a haya turno di verf pasobra awo ta mustra manera cu ta un scol nobo nan tin.