E aña escolar aki a habri un klas creativo y expresivo (e projecto: “Expresa bo mes” a keda financia pa AAA). E alumnonan di Scol Dun’un man, parti di Stichting Voor Verstandelijk Gehandicapten -SVGA, ta haña les for di un maestra. Tur klas ta haña 3 les pa siman den e diferente materia: interpersonal, arte espresivo y arte visual den e klas specialmente prepara pa esaki.
E maestra, Tarah Terhorst, ta duna lesnan pa e desaroyo social y emocional, manera lesnan di regulacion propio y lesnan di felicidad (con ta logra esaki).
Lesnan di arte visual, caminda e alumnonan ta experimenta cu diferente technica y material y ta stimula expresion liber. Den e lesnan di baile y movecion ta motiva e alumnonan pa move uzando diferene material. Mediante e lesnan ta stimula e expression liber, emocion, imaginacion y creatividad.
Scol Dun’un man kier duna su alumnonan un programa mas amplio e siguiente ana escolar 2024-2025. Ta trata di un programa desaroya e resiliencia y drama.
Tarah Terhorst a bay Hulanda pa bira un trainer di Rots&Water. AFAS Foundation a financia e training aki pa e alumnonan por sina con pa defende nan mes.
Pa lesnan di drama Tarah a cuminsa un colaboracion cu Jeugdtheaterschool Zuid Oost (JTSZO) na Amsterdam. Den maart 2024, e la bay Hulanda pa haña experiencia cu e metodo di opentheater na diferente scolnan di enseñansa special.
CEDE Aruba a haci e projecto aki possible y a financia e materialnan necesario pa stimula teatro. E metodo aki ta trata di teatro sin palabra, e lesnan ta no verbal.
E musica y e atributonan ta guia e proceso. E metanan di e metodo di teatro aki ta pa crea placer, contacto y conexion. E ta specialmente desaroya pa mucha y hoben cu necesidadnan special.
Despues di e bishita na Hulanda, lider di proyecto di JTSZO, Emese van der Steen, a bin Aruba pa guia Tarah Terhorst. Durante un siman Tarah a haya guia di Emese durante e lesnan di drama cu su alumnonan di scol.
Emese a duna un workshop pa e interesadonan cu ta traha cu muchanan of hende special. Asina mas trahadonan di SVGA, maestronan di scol special y mas muchanan na Aruba por haña e oportunidad pa experencia e forma di teatro aki.
Tarah y Emese a duna e lesnan di teatro na e alumnonan di Scol Caiquetio, e studiante di Fundacion Muchila Creativo y e hubentud/adultonan di Man na Obra (SVGA). Un colaboracion hopi exitoso.
Na nomber di Scol Dun’un man, masha danki pa e oportunidad pa crea mas creatividad, placer y desaroyo pa nos muchanan special.
