WASHINGTON D.C., Merca – E presentador actual di “Celebrity Apprentice” y e exconductor di e show – tambe conoci como e exgobernador di California, Arnold Schwarzenegger y e actual presidente di Merca, Donald Trump – a drenta den un pelea dialectico.
Trump a bisa diahuebs mainta, durante e asina yama Desayuno di Oracion Nacional, cu e kier “resa pa Arnold” pasobra cu Schwarzenegger e indicenan di audiencia di “The Celebrity Apprentice”, a cay.
Schwarzenegger a insinua den un video cortico cu el a publica riba rednan social cu e ora ey, nan por intercambia di trabao.
“Hey Donald, mi tin un gran idea. Dicon nos no ta switch di trabao?” Schwarzenegger a bisa. “Bo ta haci cargo di television ya cu bo ta un gran experto den indicenan di audiencia y e ora ami ta tuma bo trabao, asina hende por drumi trankil finalmente.”
Mark Burnett, e productor di television kende a crea e programa “The Apprentice” hunto cu Trump, tabata e encargado di presenta Trump den e desayuno.
Schwarzenegger a wordo elegi pa reemplasa Trump den e programa na September di 2015, despues cu Trump a dicidi aspira na Cas Blanco.
Trump a elogia e ora ey Schwarzenegger bisando riba Twitter: “Pabien na mi amigo @Schwarzenegger kende lo ta riba e proximo temporada di Celebrity Apprentice. E lo haci’e hopi bon y lo recauda hopi dollar pa causa benefico.”
Su tono tabata un poco diferente diahuebs.
“E indicenan di audiencia a cay,” bisando durante e desayuno. “E tabata un desaster.”
Trump a agrega: “Simplemente mi kier resa pa Arnold… y pa e ratingnan ey.”
E comentario parce ta un chiste, pero no tabata ep rome biaha cu Trump ta referi despectivamente na e indicenan di audiencia di “Celebrity Apprentice” desde cu e programa di Schwarzenegger a estrena luna pasa.
E presidente a critica Schwarzenegger pa tin menos audiencia den su estreno cu Trump den su ultimo temporada pa loke ta e programa.
“Waw, e indicenan di audiencia a yega y Arnold Schwarzenegger a keda “abruma” (of destrui) compara cu e mashin di ratings, DJT”, e presidente electo a tweet luna pasa.
Schwarzenegger a responde na e comentarionan deseando Trump “tur suerte di mundo” y bisando cu e ta spera cu Trump “traha pa henter e pueblo Mericano cu e mesun agresividad cu el a traha pa logra audiencia.”
Fuente: CNN en Español