Hopi di nos ta puntra y ta curioso pa sa kico ta pasa ora un hende muri.
E scuridad, e dolornan ta caba, claridad ta drenta y despues e sensacion di paz ta algun di di e elementonan cu durante aña nan a wordo confirma den e imaginacion cu nos tin ora cu un persona fayece. Segun estudio nan cientifico ta demostrando recientemente ta cu e consenshi di un persona no ta muri asina cu e curason stop di bati. Tambe a wordo prueba cu experencia manera bo ta wak bo bida pasa bo dilanti of cu bo tin e sensacion cu bo ta sali di bo curpa ta diferente halucinacion cu ta parse mas real cu loke nos mes ta pensa.
Inexperencia di “schijndood” na ora di rebiba un pashent.
Un estudio dirigi dor Facultad di Medicina Grossman di Universidad di New York a recoge dato nan di un den cada cinco pashent cu a sobrevivi un reanimacion cardiopulmonar despues di un ataca di curason y cu por a describi nan experencia den estado di “schijndood” pa nan conta kico a pasa mientras cu nan tabata inconsciente y sin cu nan curason tabata funcionando.
Segun Sam Parnia, director di e investigacion cu a wordo presenta na e “Sessiones Cientificas 2022” di e “Asociacion Americana del Corazon” na Chicago ta bisa cu den historia nos mira morto como parti di bida caminda tin un liña entre bida y morto. Asina cu crusa e liña aki ya no tin chens pa bolbe.
“Den e ultimo 60 aña nan a bin duda nan paso e reanimacion cardiopulmonar a permiti debolbe bida bek na personanan cu segun e perspectiva biologico, a drenta den e estado mortal.
E personanan aki a raporta experencia nan pa mas di 60 aña y tin mas di miyon di personanan rond di mundo cu a raporta experencia nan similar. Durante aña nan e experencia nan aki a wordo descarta categorisando nan manera halucinacion of triki nan di e celebro humano.
Investigado nan a studia 567 persona cu a ricibi un reanimacion cardiopulmonar despues di a haya un ataca di curason y cu a keda hospitalisa entre mei 2017 pa maart 2020 na Merca y Inglatera cual di nan menos di 10% a logra sobrevivi.
Parnia ta menciona cu mester compronde cu un ataca di curason no ta un problema di curason. E ta un number medico cu ta referi na morto.
Parnia ta informa cu e publicacion completo di e investigacion ainda ta den fase di revision y cu ta spera cu den 2023 por haci publicacion oficial.
