Pa diahuebs y diabierna ainda e siman aki, Bus di Salud di IBiSA ta sali pa duna servicio na comunidad. Den e luna di November cu ta conscientisa riba Diabetes, un atencion special ta wordo duna na e wowonan como cu e lema mundial e aña aki ta: “Eyes on Diabetes”.
Proximo fecha pa duna servicio na publico ta:
Diahuebs 17 di November – Auditorium Misa Dakota, SIN Bus di Salud cu Aruba Vision Center – 8:30a.m. – 3:00p.m.
Diabierna 18 di November – Parkinglot Do It Center, Shaba cu Optica Leslie – 8:30a.m. – 3:00p.m.
E meta di e servicio riba e dianan aki ta pa duna un ‘screening’ di salud cu enfoke riba diabetes y tambe ta check presion di wowo. Pa loke ta trata e chekeo di presion di wowo, IBiSA ta gradici di antemano Optica Leslie y Aruba Vision Center pa nan cooperacion durante luna di diabetes.
Comunidad di e barionan ta keda cordialmente invita pa acudi y haci nan chekeo completamente gratis. No mester ta na yuna pa haci e chekeo, solamente mester acudi cu bo carchi di AZV.