Diabierna Aruba Softball Bond (ASB) a reuni cu prensa y a splica nan experencia na St.John. Unda cu nan a bay representa Aruba y ta sali na di tres luga. Mientras e selection di Aruba tabata hungando, tabata tin varios personanan cu wowo riba e hungadonan di selection Aruba, un di nan, Sayenne Geerman.
Sayenne a cuminsa hunga softbal desde su 9 aña. A hunga den varios campeonato, e/o Latino Americano, Wega di Reino y tambe ta sali campeon den Latino Americano, cu te hasta a bay na Portland, Oregon y ta hunga den e world series. Saki tog ta mustra cu Sayenne tin basta experencia den e mundo di softball.
Despues di un tempo e ta stop cu su deporte, pero na grandi ta dicidi di purba bek loke ta fast pitch. Sayenne a hunga un par di luna pa despues nan a escoge pa pre-seleccion y despues ta escoge pa participa den e selection di Aruba. Den esaki ta biaha pa St.John hunto cu su selection y ey nan ta unda cu varios wowo a cuminsa mir’e.
A aserca Zuleyka Willems, cual ta presidente di ASB y ta splica cu ta desea di tin Sayenne den nan ekipo na Italia. Ora palabra a yega na Sayenne, por imagina cu e la keda den shock paso no por a imagina cu despues di un luna y mey ya caba e lo tin un oportunidad di hunga na Italia.
Pa mas o menos fin di luna di Maart of comienso di April, Sayenne lo tin un uniform nobo, y un scenario nobo den su bida. Nos ta manda un palabra di exito y pabien pa Sayenne Geerman y cu tur cos bay bon na Italia.
