BALI – Esun cu a cumpra un sate na Bali, posiblemente e lo a come carni di cacho. Un organisacion di bestia di Australia a descubri cu bendedonan di caya ta bende carni di cacho sin cu e turistanan sa. Nan ta bisa cu ta galiña.
Carni di cacho na Bali no ta ilegal, pero e cachonan ta wordo gara y mata na un manera bruto, segun Animals Australia. E organisacion a haci un investigacion na Bali, pasobra tur aña un miyon di Australiano ta bishita e isla Indones aki.
Cachonan Venena
“E mercado di carni di cacho no ta bay pa e bienestar di e bestia y ta falta reglanan di siguridad di alimento,” segun un vocero. Aki ta trata di algun cacho cu ta wordo venena. Ainda e rastronan por wordo haya den e carni.
Animals Australia ta mira cu turistanan kier cumpra un sate cerca cierto bendedo. Riba e garshi ta para potret di un cacho. Ora cu e turistanan ta puntra si e sate ta traha di carni di cacho, e bendedo ta bisa cu ta di galiña.
Tambe den restaurant
Segun Animals Australia, no ta solamente e bendedonan riba beach of riba caya ta culpabel di e engaño aki. Tambe den restaurantnan cacho ta wordo sirbi sin cu turistanan sa kico nan ta come.
Un trahado undercover di e organisacion di bestia a haci un investigacion pa algun luna na e practicanan aki. El a mira con e cachonan ta wordo gejaag pa e bandanan y gara. E cachonan gara ta sinta bao di circunstancianan pober y sushi den kouchinan scur. Prome cu nan wordo pasa door di cuchiu, e cachonan ta wordo bati mata. Otro cachonan ta wordo venena of tira mata riba caya.
Fuente: www.rtl.nl