BOGOTA, Colombia – Presidente di Colombia, Juan Manuel Santos a anuncia cu e bahamento di arma bilateral cu FARC acorda na Augustus y a extende na prome instante te cu dia 31 di October tras e victoria di e no den e referendum, lo bay te na final di aña.
“Mi a tuma e decision di prolonga e bahamento di arma te cu dia 31 di December. Pero cu keda bon bon cla, cu esaki no ta un ultimatum ni un fecha limite, pero mi ta spera cu tur e proceso aki ta pa tin un acuerdo nobo cu lo caba hopi antes pasobra manera un studiante a bisami awe “e tempo, presidente, ta conspira contra paz y bida,” el a bisa.
E bahamento di arma lo a caba oficialmente diadomingo, dia 2 di October, fecha caminda cu e referendum a realisa, ora cu a sosmete na e refrendacion di e acuerdo.
Dia 4 di October, Ministerio di Defensa a bisa den un directiva cu e bahamento di arma bilateral y definitivo cu e guerilla por wordo prolonga.
E bahamento di arma bilateral a drenta na vigor dia 29 di Augustus y te na e momento, segun cifranan di e Centro di Recurso pa e Analisis di Conflicto, Cerac, a cumpli cabalmente, sin accion ni morto.
Diahuebs, Santos a reuni cu e secretario general di OEA, Luis Almagro, kende a bisa “el a coincidi den subraya e importancia di avansa pronto, cu rapides, den e salida di e situacion, debi na e vulnerabilidad di e bahamento di arma.”
Fuente: CNN en Español